El Embargo

10-31
El Embargo
 

Señol jues, pasi usté más alanti
y que entrin tos esos,
no le dé a usté ansia
no le dé a usté mieo...

Si venís antiayel a afligila
sos tumbo a la puerta. ¡Pero ya s'ha muerto!


¡Embargal, embargal los avíos,
que aquí no hay dinero:
lo he gastao en comías pa ella
y en boticas que no le sirvieron;
y eso que me quea,
porque no me dio tiempo a vendello,
ya me está sobrando,
ya me está gediendo!

Embargal esi sacho de pico,
y esas jocis clavás en el techo,
y esa segureja
y ese cacho e liendro...

¡Jerramientas, que no quedi una!
¿Ya pa qué las quiero?
Si tuviá que ganalo pa ella,
¡cualisquiá me quitaba a mí eso!
Pero ya no quio vel esi sacho,
ni esas jocis clavás en el techo,
ni esa segureja
ni ese cacho e liendro...

¡Pero a vel, señol jues: cuidaíto
si alguno de ésos
es osao de tocali a esa cama
ondi ella s'ha muerto:
la camita ondi yo la he querío
cuando dambos estábamos güenos;
la camita ondi yo la he cuidiau,
la camita ondi estuvo su cuerpo
cuatro mesis vivo
y una nochi muerto!

¡Señol jues: que nenguno sea osao
de tocali a esa cama ni un pelo,
porque aquí lo jinco
delanti usté mesmo!
Lleváisoslo todu,
todu, menus eso,
que esas mantas tienin
suol de su cuerpo...
¡y me güelin, me güelin a ella
ca ves que las güelo!...

¿Te gusta este poema?

Poemas relacionados

  • Autor:
  • Editor: Mundo Poetico
  • Fecha:2018-02-02
  • Categorias: Principal / Poesia / Verso / Poema De Vida / Poetas Latinoamericanos / Mario Benedetti
  • Autor:
  • Editor: Mundo Poetico
  • Fecha:2015-06-06
  • Categorias: Principal / Dante Moshue Díaz Linares / Prosa / Poesia / Poesia Oscura / Poema De Soledad
  • Autor:
  • Editor: Mundo Poetico
  • Fecha:2019-08-21
  • Categorias: Principal / Prosa / Verso / Poesia de Amor / Enamorados / Poetas Latinoamericanos / Delmira Agustini
  • Autor:
  • Editor: Mundo Poetico
  • Fecha:2015-04-28
  • Categorias: Principal / Poesia / Verso / Poema De Vida / Mario Benedetti
  • Autor:
  • Editor: Mundo Poetico
  • Fecha:2015-10-15
  • Categorias: Principal / Angel Montoya / Prosa / Poesia / Enamorados / Poema De Vida
  • Autor:
  • Editor: Mundo Poetico
  • Fecha:2019-11-13
  • Categorias: Principal / Prosa / Poesia / Enamorados / Poemas Amoroso / Poetas Colombianos / Poetas Latinoamericanos / Angel Montoya

Información

Usuarios que no esten registrados no pueden dejar comentarios, te invitamos a que te registre!